It’s true that when you combine numerous sets of conversations, the result you get is, if nothing else, reflection of your own life. Conversations are great, especially if you have a wonderful friend to talk to. And just like life, conversations are all about give and take. A reminder of how these random and silly conversations with your friends make your day, a story of true friends, lost ends and complications of life and time, a curiosity asking if good friendship and good time management are mutually exclusive and words saying that a true friend’s word does count; whether it be a “C’mon yaar, you can do it” when you feel down or a “Abey, party kab de raha hai?” in those happy times: The poem “Do Baatein” has it all.
Ay yaar tujhe kya bataoon
Dil ka haal ab kya sunaoon
Tu kehta tujhe waqt nahi hai
Par waqt bhi itna saqt nahi hai
Mil na nahi toh zara bata jaa mujhko
Do baaton ki kimat kya hai?
Poora jahaan bataana hai tujhko
Kuch baaton ka bojh utarna hai mujhko
Pados ki billi doodh nahi peeti
Laila majnu ke bina kyun nahi jeeti?
Khushi kabhi darwaze par dastak de kar jaati hai
Aur gham hai ki bina dawat chali aati hai
Bas kabhi zindagi mere aage, kabhi mein zindagi ke aage bhaagti hoon
Socha kuch der theher kar do baatein karke jaati hoon
Lekin tu kehta tujhe waqt nahi hai
Par waqt bhi itna saqt nahi hai
Mil na nahi toh zara bata jaa mujhko
Do baaton ki kimat kya hai?
Ab chod yaar aur kya bataoon
Dil ka haal ab kya sunaoon
Kabhi baahar dhoop toh dil mein baarish si rehti hai
Zindagi hamesha aasan kyun nahi ho sakti hai?
Apne pairon par khade hokar azaad sa lagta hai
Par tere bin phir khana namak kam kyun lagta hai?
Shayad baatein meri itni dilchasp nahi hai
Shayad bakwaas sun ne ki tujhe aadat nahi hai
Yaad hai jab woh hansi ke do pal raat ko sapnon mein aate the
Mazaak mazaak mein hum ek dusre ke masle hal kar jaate the
Ab tu kehta hai waqt nahi hai
Par waqt bhi itna saqt nahi hai
Mil na nahi toh zara bata jaa mujhko
Do baaton ki kimat kya hai?
Jaanti hoon waqt ke haanthon tu majboor hai
Magar yaad tujhe meri aati zaroor hai
Bas malaal sirf is baat ka rahega
Bewajah baaton ka silsila aur nahi chalega
Aur yahi dar lagta hai baar baar
Yeh choti zindagi aur lamba intezaar
Dil itna tera rukha toh nahi tha?
Kya tune mujhe apna maana hi nahi tha?
Agar fikr ho tujhe tinke bhar bhi meri
Pooch liya karna is dosti ko meri
Par mil na nahi toh zara bata jaa mujhko
Do baaton ki kimat kya hai?
Hongi phir who baatein apni
Pahonch jaayengi manzil baatein ankahi
Tujhse door reh kar jaana maine
Teri awaaz sun kar yeh jaana maine
Do baaton ki kimat kya hai
Sachhe doston ki kismat kya hai
