Mombatee

Mombatee ka jeevan bhi ajeeb hota hai

Har waqt andhere ke kareeb hota hai

Dusron ko marg deti hai yeh

Par swayam ko aag leti hai yeh

Shayad sochkar hi yeh nirnai liya hoga isne

Warna dusron ke liye jalna- aisa kiya hai kya kisine?

Diwali mein shareek hoti hai yeh

Par har pal shaheed hoti hai yeh

Kann kann mein iske balidan hai likha

Sangharshwadi  vyaktiyon ne hai jeena isi se seekha

Ai mitr mere yaad rakhna

Mombatee sada apne paas rakhna

Misaal hai woh saakshaat dhairya ki

Chunauti deti andhkar ko shaurya ki

Bhram nahi satya hai yeh jaan lena

Zara waqt ho toh mombatee ko nihar lena